Hér erum við mætt aftur, enn á ný, á aðalfund Ferðamálasamtaka Vestfjarða og að þessu sinni í Árneshreppi. Ég nefndi það á samkomunni hjá okkur í gærkvöldi þar sem við kynntumst ferðaþjónustunni í Árneshreppi að ég væri sérlega ánægður með að samtökin hafi loksins aðalfund á Ströndum fyrir utan Stór-Hólmavíkursvæðisins, ef ég má orða það sem svo. En mér finnst afar mikilvægt að fundir sem þessi séu haldnir um alla útkjálka Vestfjarða.

Þegar ég velti því fyrir mér hverju ég sé mest stoltur af verkum undanfarinna ára fyrir samtökin, sem maður gjarnan gerir þegar kemur að svona tímamótum í lífi hvers manns, þá er það til dæmis sú vinna sem Ferðamálasamtökin lögðu í eftir að ég tók við formennsku, í svo góðri samvinnu við Atvinnuþróunarfélag Vestfjarða og Markaðsstofu Vestfjarða, og var stefnumótunin. Stefnumótun fjórðungsins í ferðamálum fram til ársins 2015. Nú er komið árið 2013 og að mínu mati þá þarf að endurskoða þessa stefnumótun en það hefur margt breyst á þessum tíma og það er margt í henni sem hefur ekki gefist tími til að fara í. Það hefur orðið breyting á kerfinu í kringum okkur og við þurfum öll að samsvara okkur að því og halda áfram að vinna að góðum verkum. Þetta var góð vinna og það var gríðarlega mikil þátttaka ferðaþjónustuaðila á Vestfjörðum í stefnumótunarvinnunni og mjög almenn sátt um hana meðal allra. Ég minnist þess með góðri tilfinningu hvað þetta ferðalag okkar um Vestfirði þegar við vorum að hafa samræðuna við greinina og íbúana. Mjög eftirminnileg, gefandi og skemmtileg vinna.

Ég vil endilega nota tækifærið og hvetja þá stjórn sem verður eftir þennan fund og nýjum formanni samtakanna að hugsa málið og reyna að ýta því aftur af stað. Ég held að það væri þarft verkefni, án þess að ég ætli að fara að skipta mér að því hvaða verkefni stjórnin ætli að leggja áherslu á. Alls ekki. Það er alltaf best þegar formaður hættir að hann bara hætti og stígi til hliðar. En auðvitað ef einhverjar upplýsingar vantar eða ef fólk telur að ég hafi hugsanlega einhver svör eða tillögur, sem er þó alls ekki víst, þá er símanúmerið mitt á sínum stað.

Annað verkefni sem ég er ekki síður stoltur af er Umhverfisvottun Vestfjarða. Það er verkefni sem stjórn ferðamálasamtkanna ýtti af stað með gríðarlega magnaðri ráðstefnu á Hótel Núpi á aðalfundinum 2010. Það er minnisstæð ráðstefna og ekki síður það góða samstarf sem var í því verkefni líka. Við alla þá fræðimenn og kunnáttufólk sem kom að ráðstefnunni og kynntu fyrir okkur hvað felst í umhverfisvottun. Ekki síður hvernig sveitarfélög á Vestfjörðum og fjórðungssambandið tóku vel í þessar hugmyndir. Hversu tilbúið fólk hér á kjálkanum var að horfa í aðeins aðra átt, fara aðeins út úr kassanum og rúnna hornin ofurlítið af. Það tókst og núna er þetta orðið raunverulegt verkefni. Ég þekki sjálfur ekki mjög gjörla hvar það er statt en í samtali við starfsmann fjórðungssambandsins fyrir fáeinum vikum þá komum við inn á þetta mál og þá kom í ljós að það er allt í vinnslu og sveitarstjórnarfólk er með hugann við það undir styrkri og góðri stjórn Fjórðungssambands Vestfirðinga. Þannig að ég vona það svo innilega að það verði haldið áfram á þeirri braut og það verði hvergi hvikað af henni svo við getum farið að koma af stað sómasamlegu umhverfi sem tekur mið af gegnsæi og umhverfisvernd svo tekin séu dæmi, ásamt fleiri verkefnum sem koma að umhverfisvottun fjórðungsins.

Þessi tvö verkefni sem ég hef nefnt hefur mér þótt mikið til koma þó ég vilji líka koma inn á þá erfiðu vinnu sem stjórn samtakanna stóð þétt saman um í upphafi árs 2011 varðandi kaup á ferðaskrifstofunni Vesturferðir og vangaveltur um framtíð þeirrar öflugu ferðaskrifstofu allri ferðaþjónustu á Vestfjörðum til hagsbóta. Við sáum og heyrðum það í morgun á aðalfundi Vesturferða, sem haldinn er nú orðið í tengslum við aðalfund samtakanna, hvaða árangur það hefur borið. Ekki síst hvað fólk er að standa sig vel við að stýra þessu verkefni. Ég vil flytja kveðju mína og allrar núverandi stjórnar ferðamálasamtakanna til stjórnar Vesturferða og framkvæmdastjóra enn á ný. Good job, segi ég nú bara.

Það var eitt þeirra verkefna sem forveri minn, Sævar Pálsson, ýtti úr vör og var útgáfa á göngukortum um Vestfirði. Sjö kort sem ná yfir allan Vestfjarðakjálkann og gott betur en það því yfir Dalasýslu líka. Það er verkefni sem hefur verið afar mikilvægt fyrir allt svæðið og ég vil endilega minna fólk á það að halda því verkefni áfram en það þarf að endurprenta núna eitt kort en lagerinn er að verða búinn af því og afar mikilvægt að það gerist sem allra fyrst. Á næstu vikum. Ef einhverja aðstoð þarf við þá vinnu þá er ég boðinn og búinn að leggja fram mína krafta mína í það á allan hátt.

Aðalfundur Ferðamálasamtaka Vestfjarða verður haldinn á Félagsheimilinu Árnes í Trékyllisvík laugardaginn 20. apríl n.k. kl. 13:00

Að venju verður lítil dagskrá um ferðamál um kvöldið þar sem sjónum verður beint sérstaklega að Árneshreppi. Sigurður Atlason mun ekki gefa kost á sér til formennsku áfram og því er ljóst að nýr formaður FMSV mun taka við á aðalfundinum. Ferðaþjónustufólk á Vestfjörðum er því hvatt til að velta fyrir sér nýjum formanni úr sínum röðum. Þrír aðrir stjórnarmenn munu einnig ganga úr stjórn samkvæmt lögum félagsins.

Stjórn samtakanna skal kosin árlega á aðalfundi, sem halda skal fyrri hluta árs þannig að árlega eru kosnir þrír menn til tveggja ára , en í stjórn sitja sex menn auk formanns, sem kjósa skal sérstaklega á hverjum aðalfundi til árs í senn. Leitast skal við að kjósa fulltrúa sem flestra svæða í stjórn. Kjósa skal tvo skoðunarmenn reikninga og tvo til vara.

Lög FMSV
http://www.vestfirskferdamal.is/fsamtokin/

Greiðsluseðlar vegna árgjalda verða sendir út fimmtudaginn 11. apríl eða föstudaginn 12. apríl. Þeir sem greiða árgjald fyrir aðalfund teljast fullgildir félagar og öðlast atkvæðisrétt.

Með góðri kveðju,

Fyrir hönd stjórnar FMSV

Sigurður Atlason
formaður

Opni háskólinn í HR býður upp á hagnýtt og spennandi námskeið fyrir fyrirtæki og aðila úr ferðaþjónustunni.
Samningatækni í ferðþjónustu

Á námskeiðinu verður fjallað um hvernig nýta má samningatækni til að til að ná hagstæðri niðurstöðu í samningaviðræðum við viðskiptavini og þjónustuaðila og skapa traust fyrir langtíma viðskiptasambönd í ferðaþjónustu. Sérstaklega verður greint frá því hvernig hagnýta megi rannsóknir á menningarmun í uppbyggingu viðskiptasambanda við fólk frá mismunandi menningarsvæðum og jafnframt hvað beri að varast.  Fjallað verður um hvernig má auka hæfni í lausn á ágreiningi og hvernig snúa megi átökum í árangursríkt samstarf.  Þátttakendur takast á við hagnýtar æfingar í samningatækni sem kristalla þær grundvallaráskoranir sem samningamenn standa frammi fyrir svo þeir megi njóta aukins sjálfstrausts í samningaviðræðum og geti stjórnað gangi viðræðna og beint þeim til hagstæðrar niðurstöðu.

Nánari upplýsingar og skráning

Eins og þið eflaust munið þá var sendur út póstur í desember vegna bæklingsins “Westfjords of Iceland. The Official Tourist Guide” fyrir árið 2013. Þar var fólk beðið um að skoða upplýsingar um fyrirtæki sín, sem birtust í bæklingnum fyrir síðastliðið sumar og leiðrétta eða uppfæra eftir þörfum.  Frestur til slíkra breytinga var gefinn til 4. janúar, en nú hefur verið ákveðið að framlengja hann örlítið, enda hafa margir væntanlega haft í önnur horn að líta í fannferginu og rafmagnsleysinu. Við biðjum því þá sem vilja breyta upplýsingum um fyrirtæki sín að gera það eigi síðar en næstkomandi föstudag, 11. janúar. Öllum breytingum á að skila til skrifstofu Ferðamálastofu á Akureyri (upplysingar@icetourist.is, sími 535-5510), en þar er haldið utanum gagnagrunn ferðaþjónustunnar í landinu. Við fáum svo upplýsingar úr þeim gagnagrunni til að nota í bæklinginn. Það er sérstaklega mikilvægt að þau fyrirtæki sem bjóða upp á margs konar þjónustu passi uppá að vera skráð í alla þá þjónustuflokka sem við eiga. Þessir þjónustuflokkar eru býsna margir, ekki síst í því sem flokkast undir afþreyingu.

Eins og fyrr greinir á að senda allar leiðréttingar og uppfærslur beint til Akureyrar, en ef fólk þarf aðstoð eða nánari upplýsingar er velkomið að hafa samband við upplýsingamiðstöðina á Ísafirði (info@vestfirdir.is, sími 450-8060).

Nú er að hefjast vinna við þjónustubæklinginn (Westfjords Official Tourist Guide 2013) sem Markaðsstofa Vestfjarða hefur gefið út undanfarin ár. Eins og venjulega verða allar upplýsingar um ferðaþjóna sóttar í gagnagrunn Ferðamálastofu og því er mjög mikilvægt að allir fari yfir sínar skráningar þar og kanni hvort þær séu réttar, bæði hvað varðar grunn upplýsingar og eins þá þjónustuflokka sem fyrirtækin eru skráð í. Hægt er að skoða upplýsingarnar með því að fletta í gegnum bæklinginn fyrir árið 2012 eða að nota leitarvélina á www.westfjords.is.  

Við fáum svo gögnin frá Ferðamálastofu til úrvinnslu mjög snemma á nýju ári og biðjum ykkur því að ganga frá leiðréttingum og breytingum í síðasta lagi föstudaginn 4. janúar næstkomandi. Öllum slíkum leiðréttingum og breytingum á að skila til skrifstofu Ferðamálastofu á Akureyri í síma 535-5510 eða í netfangið upplysingar@ferdamalastofa.is.

Einnig væri gott að fá fréttir af nýjum eða væntanlegum ferðaþjónum á ykkar svæðum, svo hægt sé að aðstoða þá við að koma skráningarmálunum á rekspöl. Upplýsingar um slíkt má senda á info@westfjords.is.

Bestu kveðjur

Heimir Hansson

Upplýsingamiðstöð Vestfjarða.

Hvatningarverðlaun 2012

Í tengslum við uppskeruhátíðina hefur verið ákveðið að veita árlega sérstök hvatningarverðlaun til einstaklings eða fyrirtækis í greininni sem starfar í fjórðungnum og álitið að skarað hafi fram úr á árinu 2012 varðandi nýsköpun, þjónustu eða umhverfisstefnu. Óskað verður eftir tilnefningum frá greininni sjálfri. Í tilnefningunni þarf að koma fram nafn sendanda, hver er tilnefndur og litlum rökstuðningi sem þarf að fylla minnst tvær til þrjár setningar. Tilnefningarnar skal senda á netfang Ferðamálasamtaka Vestfjarða, vestfirdir@gmail.com merkt "Tilnefning".

Dagskráin er eftirfarandi:

13:45 Gestir í skoðunarferð mæti á veitingastaðinn vaXon.is, Aðalstræti 9, Bolungarvík. Farið verður um Bolungarvík og nágrenni auk þess sem ferðaþjónustufyrirtæki og þjónustufyrirtæki verða heimsótt

Skoðunarferð hefst kl. 14:00

14:00 Gengið frá vaXon.is yfir í Félgasheimili Bolungarvíkur, þar mun Dóri Kokkur (Halldór Valsson) taka á móti okkur og sýna húsið

14:20 Gengið frá Félagsheimili Bolungarvíkur yfir í Náttúrugripasafn þar sem starfsmenn kynna safnið

14:40 Gengið frá Náttúrugripasafni yfir í Drymlu handverkshús þar sem starfsemi og verslun er kynnt

14:55 Gengið frá Drymlu yfir að Völuspár skiltum en þar mun Jónas Guðmundsson segja okkur frá skiltunum

15:10 Gengið niður að höfn og fiskmarkaði

15:25 Gengið að Einarshúsi, Ragna Magnúsdóttir segir sögu hússins og bíður upp á kaffi og með því

15:55 Gengið að vaXon.is þar sem Haukur Vagnsson kynnir ferðaþjónustu vaXon, sýnir nýuppgerðan farþegabát, sjóstangveiðibáta og nýstandsetta gistiálmu

16:10 Farið með rútu frá vaXon.is upp að íbúðagistingu Mánafells þar sem aðstaða er skoðuð

16:20 Gengið yfir að Systrablokkinni þar sem aðstaða er skoðuð

16:30 Ekið upp að snjóflóðavarnargarði, bæjarstjórinn Elías Jónatansson bíður gesti velkomna

16:45 Ekið að Sundlaug Bolungarvíkur þar sem Gunnar Hallsson tekur á móti gestum

17:00 Ekið frá sundlaug og framhjá gólvellinum að Ósvör, þar tekur Jóhann Hannibalsson á móti gestum í skynnklæðum og bíður uppá hákarl og brennivín

17:45 Keyrt hring um bæinn undir leiðsögn Finnboga Bernódussonar þar sem sagðar verða nokkrar skemmtisögur

18:10 Komið að vaXon.is þar sem skoðunarferð líkur

20:00 Kvöldverður og uppskeruhátíð ferðaþjónustu Vestfjarða hefst á veitingastaðnum vaXon.is

Tilkynnt um hvatningarverðlaun FMSV 2012

Spurningakeppni ferðaþjónustunnar 2012 undir handleiðslu Hauks Vagnssonar

23:00-03:00 lifandi tónlist á vaXon.is, sungið, dansað og talað saman

Fordrykkur og vín með matnum er í boði Vífilfells.

Miðaverð á uppskeruhátíðina er kr. 6.900 á mann.

Tilboð á gistingu á vaXon.is:

Gisting í nýstandsettum 2ja og 3ja manna herbergjum með sér WC/baði. Tilboðsverð á 2ja manna herbergi er 10.000, og þriggja manna herbergi kr. 15.000. Tekið er við pöntunum í matinn og gistingu hjá Hauki Vagnssyni í síma 862-2221 eða með E-mail á haukur@vaxon.isvaXon.is ætlar að bjóða gistingu í nýstandsettum 2ja og 3ja manna herbergjum með sér WC/baði. Tilboðsverð á 2ja manna herbergi er 10.000, og þriggja manna herbergi kr. 15.000. Tekið er við pöntunum í matinn og gistingu hjá Hauki Vagnssyni í síma 862-2221 eða með E-mail á haukur@vaxon.is vaXon.is ætlar að bjóða gistingu í nýstandsettum 2ja og 3ja manna herbergjum með sér WC/baði. Tilboðsverð á 2ja manna herbergi er 10.000, og þriggja manna herbergi kr. 15.000. Tekið er við pöntunum í matinn og gistingu hjá Hauki Vagnssyni í síma 862-2221 eða með E-mail á haukur@vaxon.is vaXon.is ætlar að bjóða gistingu í nýstandsettum 2ja og 3ja manna herbergjum með sér WC/baði. Tilboðsverð á 2ja manna herbergi er 10.000, og þriggja manna herbergi kr. 15.000. Tekið er við pöntunum í matinn og gistingu hjá Hauki Vagnssyni í síma 862-2221 eða með E-mail á haukur@vaxon.is

Skráningu skal lokið FYRIR fimmtudaginn 27. september. Skráning fer fram hjá Hauki Vagnssyni á netfanginu haukur@vaxon.is eða í síma 862 2221.

Svo nú er bara að bretta upp ermar og skrá sig og sitt starfsfólk.

Gleðilega uppskeruhátíð!